Modyul 2: Aralin 2.3

 

Aralin 2.3: Pagsulat ng Talumpati

Caintic, Paula                                                                                                Fil 002 – Aralin 2.3

HUMSS-12                                                                                                     Oct. 22, 2020

Aplikasyon

Para maging mabisa ang talumpati at mag-iiwan ito ng marka sa mga tagapakinig, ang katangiang dapat taglayin nito at ang mahusay at pormal na pagkakagamit ng mga salita. Kapag ang isang talumpati ay pormal na pakinggan at gumagamit ng mga salita na makabuluhan sa itinatalakay na paksa ay maraming magiging interesado nito. Pangalawa ay kapag ang talumpati ay nagbibigay ng maraming ebidensya ukol sa paksa na itinitatalakay nito. Kapag marami ang inilalahad na mga ebidensya ay siguradong mas maraming tao ang makikinig sa iyong ipinaparating.

 

Pagtataya

Ang Coronavirus (COVID-19) na pandemya ay ang rurok ng pandaigdigang krisis sa kalusugan sa buong kalagayan n gating buhay at ang pinakadakilang hamon na ating mahaharap, hindi lang sa Pilipinas, kundi pati na rin sa buong mundo na kasalukuyang nagdurusa rin.

Isang maikling deskripsyon ng COVID-19 virus; nagmula ito sa Wuhan, China at sinasabi rin na ang virus na ito ay naggaling sa paniki na isang exotic delicacy sa ibang parte ng China.

Ang gobyerno ng Pilipinas na pinangunahan ni Pangulong Duterte ay may iba't ibang paraan sa pagresponde laban sa pandemya kagaya ng pagdeklara ng state of emergency, pagsasara ng mga paaralan at iba pang mga pampublikong mga establisyemento, lockdown, at iba pang mga kabawalan layon sa pagpabagal ng pagpapatuloy ng virus sa paglaganap pa.

Gayon pa man, kahit maraming isinagawa ang gobyerno para labanin ang pandemya, bakit naka-lockdown parin tayo pagkatapos ng higit 8 buwan na noong unang nagsimula ito? Ito’y dahil naantalang isakatuparan ng Presidente ang travel ban noong bago palang kumalat ang balita ng virus at hindi pa ito nakapasok ng bansa. Ito’y dahil rin hindi kaagad naniwala ang sarili nating gobyerno sa banta ng pandemya ng dahil sa virus na ito. At ito’y dahil sa kapabayaan ng gobyerno at kamangmangan sa siyensiya.

Naniniwala akong kaya labanan ng Pilipinas ang pandemya at babalik din tayo sa karaniwan nating mga buhay. Makakamit natin ito, hindi lamang ito isang pangarap na hindi maabot.

Matatatag na kalooban at maaasahang gobyerno lang an gating kailangan. Ang gobyernong makikinig sa mga taong may-alam at hindi ilagan ang siyensiya dahil ito ang tanging may alam kung papaano natin kakalabanin ang kontrang hindi makikita.

Hindi ba tayo naiingit sa gobyerno ng taga-New Zealand? Ang kanilang Prime Minister na si Jacinda Ardern ay pinangunahan ang kanilang madaliang pagresponde laban sa pandemya na lumaganap sa kanilang bansa at ngayon ay mababa na ang kanilang active cases. Dahil ibinigay ng mga taga-New Zealand ang kanilang buong tiwala sa kanilang pinuno, humantong ito sa pagbuti ng kalagayan ng kanilang bansa.

Ang Pilipinas ay isang demokrasyan gobyerno, ngunit dahil napuno ito ng mga pinuno na mga makikitid ang utak at hindi nakikinig sa mga opinyon at mga ideya ng mga tao, humantong tayo sa ganitong punto kung saan ang mga mamamayan ang lugi dahil sa mga desisyon n gating gobyerno. Bilang isang mamamayan, hindi ako titigil sa pagpapahayag ng aking mga opinyon dahil umaasa ako na maririnig din ang mga sigaw natin kapag tayong lahat ay magsasalita sa ating karapatan para humingi ng mas maasahang pamumuno para sa ating kaligtasan.